Біздің мектебіміздің 2014-2015 оқу жылының түлегі - Іңкәр Шонтықова темірдей тәртіпті талап ететін теміржолда байланыс диспетчері болып жұмыс жасайды. Ол асқан жауапкершілікті жүктейтін қызметімен қатар қолөнерді кәсіп етіп, әлеуметтік желі арқылы еліміздің түкпір-түкпірінде тұратын қыз-келіншектерге дәстүрлі бұйымдарды жасауды үйретіп жүр.????

​Он саусағынан өнер тамған ісмер білгенімен бөлісу мақсатында YouTube арнасына тегін шеберлік-сыныптарын жариялап келеді. Оның бейнежазбалары жалпы есеппен он жеті мыңға жуық қаралым жинап, дәстүрлі өнерді үйренуге талаптанғандарға көмегін тигізуде. Келін көрпе тігуді, кез келген өлшемде ою шығаруды, сәукеле қобдишасының жасалу жолын меңгергісі келген көпшілік бейнежазбаларға оң пікірлерін жаудырып, шеберге алғысын білдіруде. Іңкәр еліміздегі жүздеген қыз-келіншектің жаңа саланы үйренуіне септігін тигізіп қана қоймай, өз қызметін атқаруға да үлгереді.

https://www.instagram.com/p/CbXykuQM8jp/?utm_source=ig_web_button_share_sheet

https://youtube.com/channel/UCKa09XfwkNnzIlsLwzm7dqA